بيكفينا 13 نيسان واحد

لأنّو في كتير طوايف..
لأنّو في كتير أديان..
لأنّو في كتير أحزاب..
لأنو في كتير ألوان ..
ما بدنا يكون في كتيير.. لبنان
شبعنا: خطف، دبح، قتل، تفجير،حواجز.. وخطوط تماس
وما بدنا هويّة بتقتل.
ما بدنا الحرب تلبس تياب جديدة،
و تخلق خطوط تماس جديدة
خلينا نرسم سوا خطوط تلاقي ، خطوط محبة ، خطوط تجمع الوطن وتقرّب الناس من بعضها.. وتبعّد شبح الحرب

"بيكفينا 13 نيسان واحد"
لاقونا ب 13 نيسان 2013 على كورنيش المزرعة، جامع عبد الناصر، الساعة 10 صباحاً، لنعمل سلسلة بشرية من عند الرفاعي للبربير لنلغي أي خط تماس جديد
(تعوا بتي شرت T-shirt بيضاء)

ينفذ هذا النشاط جمعيّة سيتي اكت ضمن مشروعها "من ضواحي بيروت إلى الوطن" الممول من منظمة "تفعيل المشاركة المدنية-PACE"
بالشراكة مع المنظمة الألمانية منتدى خدمة السلام المدني (forumZFD) ضمن مشروعها "التعامل مع الماضي "